سه‌رۆكی هه‌رێمی كوردستان پێشوازی له‌ شاندێكی باڵای حزبی شیوعی عێراق ده‌كات


KRP.org | |


11/05/2017
ئه‌مڕۆ پێنجشه‌ممه‌ 11/5/2017 به‌ڕێز مسعود بارزانی سه‌رۆكی هه‌رێمی كوردستان پێشوازی له‌ شاندێكی باڵای حزبی شیوعیی عێراق به‌ سه‌رۆكایه‌تی( رائید فه‌همی) سكرتێر و موفید ئەلجەزائیری و بەسام محی و شمێران میركل و عزەت ئەبوتەمەن ئەندامانی مەكتەبی سیاسیی ئەو حزبە كرد.

له‌دیدارێكدا، كه‌ به‌ ئاماده‌بوونی( كاوه‌ مه‌حمود) سكرتێری حزبی شیوعی كوردستان و (ئه‌بو كاروان) ئه‌ندامی مه‌كته‌بی سیاسی ئه‌و حزبه‌ به‌ڕێوه‌چوو، باس له‌ شه‌ڕی تیرۆریستانی داعش و سه‌ركه‌وتنه‌كانی هێزی پێشمه‌رگه‌ و هه‌ماهه‌نگی له‌گه‌ڵ سوپای عێراق و هەروەها هه‌ڕه‌شه‌كانی تیرۆریستان له‌هه‌ر سێ ئاستی ناوخۆیی، ئیقلیمی و جیهانییه‌وه‌ كرا. شاندی میوان رێز و پێزانینیان بۆ قاره‌مانیه‌تی و قوربانیدان و خوێنی پێشمه‌رگه‌ هه‌بوو و سه‌ركه‌وتنه‌كانی پێشمه‌رگه‌شیان به‌سه‌ر تیرۆریستانی داعش به‌رزنرخاند.

له‌به‌شێكی دیكه‌ی دیداره‌كه‌دا شاندی میوان بیروبۆچوونی خۆیان له‌باره‌ی پرۆسه‌ی سیاسی و هه‌ڵبژاردنه‌كانی داهاتووی عێراق و ره‌وه‌شی ئابووری و كۆمه‌ڵایه‌تی خه‌ڵكی عێراق خسته‌ڕوو. هه‌روه‌ها رۆشنایی خرایه‌ سه‌ر په‌یوه‌ندییه‌كانی نێوان به‌غدا و هه‌رێمی كوردستان و ئه‌نجامدانی پرۆسه‌ی ریفراندۆم، له‌وباره‌وه‌ شاندی میوان، وێڕای ئاماژه‌دان به‌ مێژووی هاوبه‌ش و خه‌باتی پێكه‌وه‌یی نێوان حزبی شیوعی عێراق و گه‌لی كوردستان راشیانگه‌یاند، كه‌ ئه‌وان وه‌ك حزبی شیوعی هەمیشە له‌گه‌ڵ ویست و داواكاری گه‌لی كوردستاندان.

له‌به‌رانبه‌ردا سه‌رۆك بارزانی باسی له‌ مێژووی هاوبه‌ش و پڕ له‌هه‌وراز و نشێوی نێوان گه‌لی كوردستان و ده‌وڵه‌تی عێراق كرد و پێشێلبوونی شەراكەت و دەستوور كرد و هەروەها تیشكی خستەسەر بابەتی ڕیفراندۆم و سەربەخۆیی و هۆكارەكان پێشێلبوونی شەراكەت لە عێراقدا.




SOURCE:: KRP PAGE HIT:: 259  


iraq kurdistan
​بە بەشداریی سەرۆک بارزانی، لە شاری سلێمانی کەرنەڤاڵێکی گەورەی پشتگیریی لە ڕیفراندۆمی سەربەخۆیی بەڕێوەچوو
​بە ئامادەبوونی سەرۆک بارزانی، لە سۆران کەرنەڤاڵی پشتگیریی ڕیفراندۆمی سەربەخۆیی بەڕێوەچوو
سوپاسنامەیەک لە سەرۆکی هەرێمی کوردستانەوە
سەرۆک بارزانی لەگەڵ نوێنەرانی پێکهاتەکانی دەشتی نەینەوا کۆبۆوە
بە بەشداریی سەرۆک بارزانی، لە دهۆک کەرنەڤاڵی پشتگیریی لە سەربەخۆیی بەڕێوە چوو
پەیامی سەرۆكی هەرێمی كوردستان بۆ گردبوونەوەی پشتگیریی ڕەوەندی كوردستانی لە ڕیفراندۆم لە وڵاتی سوید
سەرۆک بارزانی بەشداریی لە کەرنەڤاڵی جەماوەری ئامێدی بۆ پشتگیریی لە ریفراندۆمی سەربەخۆیی کرد
سەرۆک بارزانی بەشداریی لە کەرنەڤاڵی جەماوەری زاخۆ بۆ پشتگیریی لە ریفراندۆمی سەربەخۆیی کرد
بە بەشداریی سەرۆک بارزانی، لە ئاکرێ ئاهەنگێکی جەماوەری بۆ پشتگیریی لە ریفراندۆمی سەربەخۆیی بەڕێوەچوو
سەرۆکی هەرێمی کوردستان لەگەڵ نوێنەرانی پێکهاتەکانی کەرکووک کۆبۆوە